Propostas para este fin de semán:

Os talleres dos artistas abrirán de novo esta fin de semana, a través da Operación Frechazo, o público pode participar elixindo aos artistas que máis lle gusten.
Ademais, visitas guiadas aos talleres, performances, diferentes actividades ou exposicións, conforman a programación do Roteiro de Creación para os próximos días.

Esta fin de semana os talleres de artistas abrirán de novo ao público, os visitantes terán a oportunidade de mergullarse no mundo íntimo e cotián do artista: coñecer o proceso creativo, o seu entorno ou mesmo as fontes de inspiración de pintor@s, gravador@s, escultur@s, fotógraf@s, serígraf@s ou xoieir@s, entre outr@s.

Un ano máis, a través da Operación Frechazo, o público ten a posibilidade de pronunciarse e expresar as súas preferencias elixindo aos 5 gañadores dos 55 artistas que participan no Roteiro de Creación 2009. Os visitantes poderán asignar de 1 ata 5 corazóns, a todos os artistas visitados durante as xornadas de talleres abertos, coa condición de elixir mediante votación a un mínimo de cinco creadores. As postais poden atoparse nos propios talleres de artistas, no Espazo Santa Isabel e na oficina de Turismo de Santiago.

Ademais, para a última fin de semana de celebración, o Roteiro de Creación conta cun amplo programa de actividades. Performances, visitas guiadas ou exposicións, son algunhas das propostas que ofrece o Roteiro de Creación para os próximos días.